Казанның Фрунзе урамында автомобильләр хәрәкәте өлешчә чикләнгән

Казанда Фрунзе урамында автомобильләр хәрәкәте вакытлыча чикләнә. Ул инженер челтәрләрен чыгару белән бәйле, диелә Казан мэриясе матбугат хезмәтендә.

19 гыйнвардан 6 февральгә кадәр Коләхмәтов урамыннан Фрунзе урамындагы 13нче номерлы йортка кадәр юл участогы ябыла.

Исегезгә төшерәбез, Казанның Карл Фукс урамында, Большая Красная урамыннан Карл Маркс урамына кадәр, транспорт чаралары хәрәкәте һәм парковкасы вакытлыча чикләнгән.

Фото: ТНВ