Казанда җылылык бирүне 24 апрельдә туктатачаклар

Казанда җылылык бирүнең соңгы көне 24 апрель булачак. Әлеге карарга шәһәрнең Башкарма комитетында кул куелды дип, Казан мэриясенең матбугат үзәгендә хәбәр иттеләр.

Әлеге карар һава торышының җылы һәм тотрыклы булуы белән бәйле дип язылган документта. Узган елда җылы бирүне 1 атнага соңрак - 28 апрельдә туктатканнар иде.

Комитетта, кинәт суытса, иң беренче чиратта, медицина учреждениеләре һәм балалар оешмаларын җылы белән тәэмин ителергә тиешлеген дә белдерделәр.

Фото: pxhere.com