Татарстан журналисты Украинада хәрби операциядә һәлак булган

Украинада махсус хәрби операция зонасында Түбән Камадагы "НТР" медиахолдингы журналисты Александр Комаров һәлак булган.
Бу хакта ул эшләгән телеканал хәбәр итә.

Александрның хезмәттәшләре аның талантлы тележурналист булуын искәртә. Ул 2010 елда "НТР" телеканалында эшли башлый. Башта корреспондент, яңалыклар алып баручысы булган, соңгы елларда программалар эшләү бүлеген җитәкләгән.

Александр чакырылыш буенча армиядә хезмәт итмәгән, әмма Ватанны саклау өчен сафка басу һәркемнең намусы һәм бурычы дип санаган.

Фото: ntr-24.ru