Азнакай урманында коры үлән яна башлаган

Кичә Азнакай районының Митрәй авылы янындагы тау посадкаларында коры үлән яна башлаган. Шаһитләр моны көндез булган, диләр. Бу хакта Азнакайның район басмасында язалар.

Янгын сүндерүчеләр ялкынга башка территорияләргә күчәргә ирек бирмиләр. Якын тирәдәге хуҗалыкларга зыян килмәгән.

Беренче мәгълүматлар буенча, бу чүп-чарны һәм коры үләнне яндыру, табигатьтә ял итү вакытында ут белән саксыз эш итү белән бәйле.

Апрель азагында Лаеш районында да коры үлән яну очрагы теркәлгән иде.

Фото: скриншот видео