5 сентябрь Татарстанда булачак һава торышы билгеле

Иртәгә, 5 сентябрьдә, Татарстанда җылы көн көтелә. Урыны белән яшенле яңгырлар да явачак.

Татарстанның гидрометеорология идарәсе синоптиклары алдагы төндә Республикада һава температурасы +5..+10 градуска кадәр җитәчәк дип фаразлый. Көндез һаваның максималь температурасы +20..+25 градус тәшкил итәчәк.

Казанда төнлә +11..+13 градус көтелә. Көндез Республика башкаласында һава +22..+24 градуска кадәр җылыначак.

Фото: pxhere.com