Махсус хәрби операция зонасында 46 яшьлек Айдар Хәсәновның үлеме турында билгеле булды

Украинадагы махсус операция барышында Татарстанның Минзәлә районында туган 46 яшьлек Айдар Хәсәнов батырларча һәлак булды, дип хәбәр итә «Минзәлә» район басмасы.

Татарстанлы үлгәннән соң Батырлык орденына лаек була. Бүләкне геройның әнисенә тапшырганнар. Хушлашу мәрасиме Минзәләдә булды.

Айдар Хәсәнов Минзәләнең 2 нче мәктәбен һәм авыл хуҗалыгы техникумын тәмамлый, армиядә хезмәт итә. Махсус операция зонасына 2022 елда контракт төзеп китә.

Фото: menzela.ru