Камада көзән җыерган 48 яшьлек ир-ат батып үлгән

Татарстан Гадәттән тыш хәлләр министрлыгы матбугат хезмәтендә тагын бер фаҗига турында хәбәр иттеләр - Камада су коену өчен җиһазландырылмаган урында 48 яшьлек ир-ат батып үлгән.

Ведомствода ир-атны көзән җыерган яки һава һәм су температурасы аермасы аркасында үпкә яки йөрәк эштән чыккан дип фаразлыйлар.

Элегрәк хәбәр ителгәнчә, Теләчедә йөзә белмәгән 19 яшьлек кыз батып үлгән иде.

Фото: ТР Гадәттән тыш хәлләр министрлыгы