Кама Тамагы районының Сөйки авылы халкы 11 көн сусызлыктан интегә

Кама Тамагы районының Сөйки авылы халкы бүген коеп яуган яңгырга аеруча сөенде. Чөнки алар 11 көн сусызлыктан интегә.

Түбәдән аккан яңгыр тамчыларын да савытларга җыялар. Авылда 4 ел элек төзелгән каланчада көтмәгәндә су юкка чыккан.

Абзарлардагы мал-туарларны эчерергә чиләкләр тотып елгага йөриләр. Суга сусаган авыл халкы белән Илдар Сафиуллин аралашып кайтты.