Кисәтү! Быел су басу Татарстанның 13 районындагы 32 авылга яный

Татарстан авылларына язгы ташу сулары төшә башлады. Республиканың гидрометеорология һәм әйләнә тирәне күзәтү идарәсендә хәбәр итүләренчә, елгаларда боз кузгала. Узган тәүлектә су биеклеге бер метрга кадәр күтәрелгән.

Кичә иртән Буа районының Кыят авылы күперен яптылар. Ул ел саен су астында кала. Гомумән алганда, быел су басу Татарстанның 13 районындагы 32 авылга яный. Рания Абдрахманова тулырак.