Көзен Казанда авыл хуҗалыгы ярминкәләрендә 496 млн сумлык продукция сатканнар

Татарстан башкаласында авыл хуҗалыгы ярминкәләрендә 12 көн эчендә 496 млн сумлык товар сатылган. Бу хакта шәһәр мэриясе хәбәр итә.

Киләсе ярминкәләр инде иртәгә, 7 декабрьдә узачак. Шәһәрлеләр яшелчә, ит һәм сөт продукциясе, хуҗалык ихтыяҗлары өчен кирәкле товарларны ваклап сату бәяләреннән 15%ка түбәнрәк бәядән сатып ала алачак.

Сәүдә 6:00 сәгатьтән 13:00 сәгатькә кадәр оештырылачак. Сату эшенә Татарстанның 22 районы кушылган.

Фото: скриншот ТНВ