Татарстанда тәүлек эчендә коронавирус белән авыруның 125 очрагы ачыкланган

Татарстанда коронавирус белән авыруның 125 яңа очрагы ачыкланган. Бу хакта Сәламәтлек саклау министрлыгының матбугат хезмәте хәбәр итә.

125 кешенең кырык берен ашыгыч рәвештә хастаханәгә озатканнар, калганнары үз йортларында дәваланачаклар.

Иң күп зарарлану очраклары Казанда - 40, Норлат - 21, Чистай - 15 һәм Лениногорск - 13 районнарында табылган. Шулай ук Яр Чаллы, Әлмәт һәм Алексеевск районнарында алтышар очрак теркәлгән.

Фото: pixabay.com