Зәйнәб Фәрхетдиновага Россия мөселманнарының иң югары бүләге тапшырылды

РФ мөселманнары Диния нәзарәте рәисе, Баш мөфти шәех Равил Гайнетдин кушуы буенча, аның урынбасары Рушан Әббәсов Татарстан Республикасының халык артисты Зәйнәб Фәрхетдиновага «Әл-Фәхр» мактау орденын тапшырган.

Бүләкләү тантанасы 1 декабрьдә Дәүләт Кремль сараенда җырчының юбилей концертында узды.

Россия мөселманнарының иң югары бүләге «татар милли җыр сәнгатен саклауга һәм үстерүгә керткән зур шәхси өлешләре өчен» тапшырыла.

Фото: скриншот ТНВ