КФУ аспиранты Никита Лихачев «Татарстан Республикасының Ел студенты – 2022» булды

Кичә Казанда ел саен үткәрелә торган «Татарстан Республикасының Ел студенты — 2022» премиясен тапшыру тантанасы узды. Төп бүләккә КФУ аспиранты Никита Лихачев ия булды.

Никита Лихачев 2022 елда Россиянең иң яхшы студентлар спорт менеджерларының берсе булды, шулай ук Татарстаннан РФ Дәүләт Думасы каршындагы Яшьләр парламенты составына керде. Шулай ук аспирант «Казан Юлбарслары» студентлар спорт клубын җитәкли, ул бөтенроссия иң яхшы студентлар спорт клублары конкурсында бронза медаль алды, дип хәбәр итә Казан Мэриясе матбугат хезмәте.

«Татарстан Республикасының Ел студенты» премиясе төрле юнәлешләр буенча яшьләрнең үзбилгеләнүенә юнәлдерелгән һәм студентларның Татарстан икътисады үсешендә әһәмиятен күрсәтә, дип хәбәр итә ТР Яшьләр эшләре министрлыгы матбугат хезмәте.

Фото: Яшьләр эшләре министрлыгы матбугат хезмәте