Казан Кирмәне яр буенда Юрий Шатуновның хитларын башкарачаклар

Казан Якшәмбе көнне Кирмән яр буенда Юрий Шатунов истәлегенә концерт узачак. Сәхнәгә Айрат Фазылҗанов, Ленар Габдуллин, Илнур Сәидов, Денис Орлов, Элеонора Минһаҗева, Диана Кравченко һәм башка артистлар менәчәк. Кичәнең хедлайнеры Legenda төркеме булачак, диелә шәһәр мэриясе сайтында.

Музыкантлар «Седая ночь», «Белые розы», «Не бойся», «День рождения», «Розовый вечер», «А лето цвета», «Падают листья» хитларын башкарачак. Тамашачыларны Айзат Шакировтан халык караокесы да көтә.

Исегезгә төшерәбез, Юрий Шатунов 2022 елның 23 июнендә вафат булды.

Фото: Денис Гордийко / kzn.ru