"Ядәч! Истә!": Татарстан фильмы нәрсә белән шаккатырыр?

Татарстан киносының тагын бер адымы. Пәнҗешәмбе Россия прокатына үзебездә төшерелгән тагын бер фильм чыкты. Байбулат Батулланың «Ядәч! Истә!» дип аталган тулы метражлы картинасы. Ул һичшиксез, 2023нче елның бер мәдәни вакыйгасы булып тарихка керәчәк. Минемчә, бер елда 2 татар фильмының Россия прокатына чыкканы юк иде бугай. 3 ай элек тамашачыга Илшат Рәхимбайның Микулае тәкдим ителгән иде.

«Ядәч» тамашачыны Россиядәге популяр филмнарда төшкән Роза Хәйруллинаның уйнавы, Рабит Батулланың үзен кинода сынап каравы һәм үзенчәлекле милли мохиты белән җәлеп итәчәк. Алия Хәйретдинова фильм төшерелгән Балык Бистәсе районына юл тотты.