«Ялла» төркеменең сәнгать җитәкчесе - Фәррух Закиров - Татарстанның халык артисты исемен алды

Үзбәкcтан, Казахстан, Кыргызстан, Таҗикстан, Каракалпакстан һәм Ингушетиянең халык артисты. Бу исемлеккә хәзер Татарстанның халык артисты дигән исем дә өстәлде. Үзбәкстанның танылган эстрада җырчысы, «Ялла» төркеменең сәнгать җитәкчесе — Фәррух Закиров бу атнада Республикабызның шундый мәртәбәле исеменә лаек булды.

Бу хакта Рәшит Ваһапов исемендәге Халыкара татар җыры фестиваленең Ташкентта узган Гала-концертында игълан иттеләр. Данлыклы Фәррух Закиров һәм аның халыклар арасына салган җырлы күпере турында — Гөлназ Гыйниятова.