Казанда яшәүче 7 яшьлек Тимур Галиевның зур хыялы "Теләкләр чыршысы" ярдәмендә тормышка ашты

Балалар өчен Яңа ел сөенечләре дәвам итә. Казанда яшәүче 7 яшьлек Тимур Галиевның зур хыялы тормышка ашты.

Соңгы 3 елда ул мультфильмнарның ничек ясалуын күрергә теләгән. Бу турыда Кыш Бабайга язган була. Хаты "Теләкләр чыршысы"на эләгә.

Тимурның хатын Татарстанның Дәүләт Киңәшчесе Минтимер Шәймиев алып укыган иде. Кичә ул аның хыялын тормышка ашырырга ярдәм итте. Малайны Татармультфильм студиясенә чакырдылар.