Актер Ришат Әхмәдуллин өйләнүе турында: "Тиздән. Ул миннән генә тормый"

Язның беренче көнен ТНВ Татарча YouTube-каналында "Җыр пеш" баттл шоуның яңа чыгарылышы белән башладык. Кунакка килгән актер Ришат Әхмәдуллин күпләрне кызыктырган өйләнү турындагы сорауга да җавап бирде.

"Тиздән, бик тиздән. Ул бит миннән генә түгел, бар галәмне оештыручыдан да тора. Мин үземнән торганны эшлим. Дөресен генә әйткәндә, мин ул темага сөйләшергә яратмыйм", - дип сөйләде Камал театры актеры.

Матур җырлар һәм аны матур итеп башкаручы Галиасгар Камал исемендәге татар дәүләт академия театры актерлары Ришат Әхмәдуллин һәм Рәйхан Габдуллина белән тулы чыгарылышны биредә карый аласыз.