Танылган шагыйрь Шәүкәт Гаделша вафат

30 март көнне, 74 яшендә танылган шагыйрь, Г.Тукай исемендәге Дәүләт премиясе лауреаты Шәүкәт Гаделша вафат булган. Бу хакта Татарстан язучылар берлеге хәбәр итә.

"Татарстан Язучылар берлеге мәрхүмнең якыннарының тирән кайгысын уртаклаша. Каләмдәшебезнең урыны җәннәттә булсын", - диелә хәбәрдә.

Шагыйрь белән хушлашу бүген, 1 апрельдә узачак. Шәүкәт Гаделшаны Казанның Самосырово бистәсендәге «Әл-Мәрҗани» мәчете янындагы мөселман зиратында җирлиләр.

Фото: sptatar.com