Казанда сукбай этләрне саный башладылар

Казанда сукбай этләрне саный башладылар. Аны ветеринария академиясе белән берлектә шәһәр Башкарма комитеты оештыра.

Башкала районнарын 10 участокка бүлгәннәр. 20 якын кеше берничә көн дәвамында урамнар буйлап этләрне эзли. Аларга Динә Хисаметдинова да кушылды.

Илһам Вафин Казан дәүләт ветеринар академиясендә укыта. Сукбай этләр санын алучы волонтерлар төркемен җитәкләүченең берсе. Бу эштә 20гә якын кеше катнаша. Барсының да кинология буенча белемнәре бар. Алар берничә кагыйдәне истә тотарга тиеш.