"Татар малай" Ринат Галиәхмәтов гаиләсендәге үзгәрешләрне сөйләде

Беренче татар блогерларының берсе Ринат Галиәхмәтов үзенең язылучылары белән яңалыгын бүлеште. Алар яңа йортка күченә.

Хәзер "Татар малай" күбрәк авыл тормышы турында сөйләячәк, чөнки йортлары да авыл җирлегендә булачак. Блогер сүзләренчә, алар мал-туарлар да үстерәчәкләр. Беренче булып бозау һәм куяннар үрчетәчәкләр.

Исегезгә төшерәбез, моннан бер-ике атна элек "Татарстан хәбәрләре" тапшыруында Ринат катнашында репортаж дөнья күргән иде. Анда блогер фатирында суык булуына һәм җил өргәненә зарланды.