Казанга "Киләчәк уеннары"нда катнашачак спортчылар килә башлады

Казанга 21 февральдән 3 мартка кадәр узачак «Киләчәк уены» турнирында беренче спортчылар килде. Бу хакта ТАСС хәбәр итә.

Татарстан башкаласында Перу, Боливия, АКШ, Канада, Мексика, Латвия, Эстония, Аргентина, Бразилия, Иран, Төркия, Малайзия һәм Индонезия спортчылары кунак булды. Алар фиджитал-хоккей һәм Dota 2 ярышларында катнашачак.

Спорт һәм социаль проектлар дирекциясе генераль директоры урынбасары Михаил Леонов сүзләренчә, катнашучылар турнир башланганчы мәйдан белән таныша һәм кирәкле күнегүләр үткәрә алачак.


Фото: Максим Богодвид / РИА «Яңалыклар»