Казан каршы ала: "Киләчәк уеннары" турнирында катнашучы беренче спортчылары килде

Казан - "Киләчәк уеннары"нда катнашучы чит ил спортчыларын әнә шулай зәмһәрир салкыны белән каршы ала. Төнлә башкала аэропортына зур халыкара турнирның беренче спортчылары килде.

 Перу, Боливия, Америка Кушма Штатлары, Канада, Мексика, Латвия, Эстония, Аргентина, Бразилия, Иран, Төркия, Малайзия, Индонезиядән 65 спортчы килде. Ярышларның үзенчәлеге шунда ки, командалар аерым бер илне генә тәкъдим итми. Берничә дәүләт спортчыларыннан торган төркемнәр күп. Төне салкын булса да, мөнәсәбәт бик җылы, ди кунаклар. Рүзәл Шәрипов репортажы.