Рөстәм Миңнеханов Ильшат Әминевны "Дуслык" Ордены белән бүләкләде

Татарстан Республикасы Рәисе Рөстәм Миңнеханов «Яңа Гасыр» телерадиокомпаниясе генераль директоры Илшат Әминевка «Дуслык» орденын тапшырды. Кичә Ильшат Юныс улы 60 яшьлек юбилеен билгеләп үтте.

Татарстан лидеры Указы нигезендә, Илшат Әминев «массакүләм мәгълүмат чараларын үстерүгә керткән зур өлеше, күпьеллык нәтиҗәле эше һәм актив иҗтимагый эшчәнлеге өчен» «Дуслык» ордены белән бүләкләнде.

Исегезгә төшерәбез, «Дуслык» ордены 2015 елның 25 апрелендә гамәлгә кертелде. Бу Татарстанның әһәмиятлелеге буенча икенче дәүләт бүләге.