Татарстан фәннәр академиясенең беренче президенты - Мансур Хәсәновка Хәтер тактасы ачтылар

Кичә Казанда дәүләт һәм җәмәгать эшлеклесе, Татарстан фәннәр академиясенең беренче президенты — Мансур Хәсәновка Хәтер тактасы ачтылар. Ул академия бинасына урнаштырылды.

«Бу — галимнең зур казанышларын тану һәм аңа хөрмәт йөзеннән эшләнде», — диде тантанада катнашкан Рөстәм Миңнеханов.

Дәүләт Киңәшчесе Минтимер Шәймиев Мансур Хәсәновның Фәннәр академиясен булдыруга зур өлеш кертүен билгеләп үтте. Истәлек тактасын Академиягә нигез салынган көнне ачтылар.