Разил Вәлиев белән хушлашу урыны һәм вакыты билгеле булды

76 яшендә вафат булган халык шагыйре, язучы, Татарстан Дәүләт Советының элеккеге депутаты Разил Вәлиев белән хушлашу 21 октябрьдә шимбә көнне 10:00 сәгатьтә Казан шәһәре, Татарстан ур., 1 йорт адресы буенча Галиәсгар Камал исемендәге Татар дәүләт академия театрында була.

«Татарстан — Яңа Гасыр» телерадиокомпаниясе коллективы ТНВ генераль директоры Илшат Әминовның киңәшчесе булган һәм күп еллар медиахолдинг белән хезмәттәшлек иткән Разил Вәлиевнең туганнары һәм якыннарының кайгысын уртаклаша.