Курганның Йолдыз-Эчкен авылында халык беренче өй туйларын билгеләп үтә башлады

Бу атнада Курган өлкәсенең Йолдыз- Эчкен авылы халкы өй туйларын билгеләп үтә башлады. 30га якын гаиләнең йортлары инде әзер диярлек.

Күбесе — Татнефтьнең хәйрия фонды ярдәме белән төзелгән. Калганнарын — бөтен Россия татарлары булышлыгы белән сафка бастыралар.Авылда төзелеш дәвам итә.

Исегезгә төшерәбез, 7 май көнне Йолдыз-Эчкен авылы халкы йорт-җирсез калды. 230 өйне ут көлгә әйләндерде. Борынгы татар авылында янгыннан соң ярты ел узгач — ничек яшиләр? Хәбәрчебез Рания Абдрахманова күреп кайтты.