"Татар сүзе" дүртенче Халыкара телевизион конкурсының гала-концерты үтте

"Татар сүзе" дүртенче Халыкара телевизион конкурсының гала-концерты үтте. Казанда нәфис сүз осталарын ачыкладылар.

Сәйдәш мәдәният үзәгендә "Татар сүзе" дүртенче Халыкара телевизион конкурсының гала-концерты үтте. Аны Татарстан Рәисе каршындагы туган телләрне саклау комиссиясе ярдәме белән "Яңа гасыр" телерадиокомпаниясе оештыра.

Бу чын мәгънәсендә татар дөньясы өчен ел вакыйгасы. Ул туган телгә, әдәбиятыбызга, мәдәниятка карата җәмгыятьтә кызыксыну уяту, сөйләм телебезне камилләштерү, талантларны барлау, иҗатка мәхәббәт тәрбияләү юнәлешендә зур әһәмияткә ия. 3 мең катнашучы арасыннан 37 җиңүче сайлап алынган. Сәнгатьле сөйләм аша зур сәхнәгә күтәрелүчеләр белән Фәйрүзә Мәҗитова аралашты.