Татарстанда товарларга һәм хезмәт күрсәтүләргә бәяләр үсү мәсьәләләре буенча кайнар линиягә шалтыратып була

Россия Монополиягә каршы хезмәтенең ТР буенча идарәсе гражданнардан товарлар һәм хезмәтләргә бәяләр үзгәрү мәсьәләләре буенча хәбәрләр кабул итүне оештырган.

Мөрәҗәгатьләр +7(843)238-30-59 кайнар линия телефоны буенча кабул ителә, дип Казан Мэриясе матбугат хезмәте хәбәр итә. Федераль монополиягә каршы хезмәтнең ТР буенча идарәсе сайтында хәбәр ителгәнчә, алынган мәгълүматлар бәяләр үзгәрү турында атналык хисап әзерләгәндә кулланылачак.

Бу товарларга һәм хезмәтләргә бәяләрнең спекулятив үсешен ачыклау һәм булдырмау, шулай ук кибетләргә кирәк булган санда көндәлек товарларны кертү өчен кирәк.

Фото: pixabay.com