13 йортның ишегалдын вакытында төзекләндереп бетерә алмыйлар

Әлмәттә "Безнең ишегалды" программасын тормышка ашыруда шактый тоткарлык туган. 13 йортның ишегалдын вакытында төзекләндереп бетерә алмыйлар. Аларда яшелләндерү эшләре башкарылмаган, кайбер урыннарда асфальт тиешенчә салынмый, чүп контейнерлары урнаштырылмаган һәм балалар мәйданчыклары җиһазландырып бетмәгән.

Быел Әлмәттә 78 ишегалды яңартылырга тиеш булган. Аларны 30 августка кулланылышка тапшыру бурычы куела. Инде аннан соң да бер ай вакыт үткән. Ни өчен халыкның яшәү сыйфаты өчен мөһим бу эшләр вакытында башкарылмый? Тулырак ТНВ репортажында.