Казан халкы тротуарлар боз белән капланган дип зарлана - видео

Башкала урамнарында тыныч кына атлап йөреп булмый - тайгак. Казан халкы тротуарлар боз белән капланган дип зарлана.

Җәяүлеләр травматология пунктларына эләгә, машина йөртүчеләр юлдагы колея - буразналар сәбәпле башка автомобильгә килеп бәрелүдән курка, машина мондый бозлавыкта идарәне югалта.

Республиканың башка шәһәрләрендә дә зарланалар. "Халык контроле" порталына шундый 120дән артык шикаять килгән. Илгиз Шәкүров боз белән капланган башкала урамнарын әйләнде һәм егылмыйча калуның кайбер серләренә төшенде.