Татарстанда +2 градуска кадәр җылыта

25 ноябрьдә Татарстан җирлегендә сизелерек җылытачак. Кар, җепшек кар явачак, бозлавык һәм буран көтелә. Аерым районнарда томан көтелә. Җил тизлеге 15-18 м/с җитәчәк.

Татарстанның гидрометеорология идарәсе синоптиклары алдагы төндә республикада һава температурасы -6..-11 градуска кадәр төшәчәк, дип фаразлый. Көндез һаваның максималь температурасы -1..+2 градус тәшкил итәчәк.

Казанда төнлә -7..-9 градуска кадәр салкын булачак. Көндез Республика башкаласында һава -1..-3 градуска кадәр җылыначак.

Фото: koshka.top