Коточкыч хәл: Алабугада янгында әти һәм ике бала үлгән

Алабугада янгында үз балаларын коткарырга тырышкан ир хастаханәдә үлгән. «Гринландия» бистәсендәге шәхси йортта килеп чыккан коточкыч фаҗиганең өченче корбаны ул.

Шул янгында Гатауллиннарның 12 яшьлек кызларының һәм 3 яшьлек улларының гомере өзелгән иде. Гаилә башлыгын кичә шәһәрнең үзәк мәчетендә соңгы юлга озаттылар. Туганнары, хезмәттәшләре, дуслары - дистәләгән кеше җыелган иде. Һәркем - гаиләләре үрнәк, үзе - балалар өчен күңелен биреп яшәде, ди.

Янгыннан коткарып өлгергән 8 яшьлек улы әлегә ДРКБда. Фаҗигә сәбәбе нидә? Якынча фаразлар Алия Сабирова репортажында.