Иртәгә Татарстанда -17 градуска кадәр суытырга мөмкин

Иртәгә, 21 мартта, көн белән төн тигезләшә. Бу язгы чорда, гадәттә, җылы булса да, иртәгә салкынча һава торышы сакланачак әле.

Татарстанның гидрометеорология идарәсе синоптиклары алдагы төндә республикада һава температурасы -8..-13 градуска, аязган вакытларда  -17  градуска кадәр төшәчәк, дип фаразлый. Көндез 0..+5 градуска кадәр җылытачак.

Казанда төнлә -9..-11 градуска җитәчәк. Көндез +3..+5 градус көтелә. Юлларда бозлавык, карап кына йөрегез.

Фото: goodfon.ru