Татарстанда иң көчле язгы ташулар кайчанга туры киләчәк?

Быел Татарстанда язгы ташуның иң көчле вакытын апрель уртасында көтәләр.

Ул башка еллар белән чагыштырганда бер атнага соңарачак, ди белгечләр. Бу хакта Татарстанның Гадәттән тыш хәлләр министрлыгында хәбәр иттеләр. Коткаручылар тәүлек буе кизү тора. Шулай да кар кинәт эрегән очракта республикада 200дән артык торак пунктны су басу ихтималы бар. Аларда 13 меңгә якын кеше яши.

Хәзер елгалардагы боз нинди хәлдә? Шәхси хуҗалыкларда әзерлек ничек бара? Хәбәрчеләребез материалында.