31 кешене үтергән Радик Таһировны гомерлеккә ирегеннән мәхрүм иттеләр

Гомерлеккә ирегеннән мәхрүм итәргә! Кичә Татарстанның Югары суды Идел буе төбәкләрендә кеше үтереп йөргән Радик Таһировка карата шундый карар чыгарды. 

Тикшерүчеләр аның 2011нче - 2012нче елларда 31 кешене үтерүен, тагын 3 кешене үтерергә җыенуын дәлилли алган. Бу җинаятьләрне ачу өчен 8 ел кирәк була. Ул вакыт эчендә Радик Таһиров өйләнә, ике бала үстерә. Аны 2020нче елда кулга алалар. Бүген суд карарын укыдылар. Гомеренең моннан соңгы көннәрен ул кайда уздырачак? 

Мәхкәмә залыннан Рания Абдрахманова репортажы.