Тәкә сине көтә - ТНВда Сабантуй!

«ТНВ» да онлайн Сабантуй. Сабантуй бәйрәменә багышланган «5 көн - 5 бүләк» акциясе ТНВның инстаграм аккаунтында уза. Әлеге акция кысаларында ТНВ үз язылучылары арасында 5 бүләк уйната. Әмма Сабантуй тәкәсез була алмый! Шуңа күрә, милли традицияләргә тугры калып төп бүләк буларак тәкә уйнатылачак!

Иң шәбе – бәйгедә профессиональ көрәшчеләр генә түгел, ә интернет челтәреннән файдаланучы һәркем катнаша ала. Конкурс шартлары 25 июньдә ТНВның инстаграм аккаунтында урнаштырылачак. Исегезгә төшерәбез, былтыр әлеге конкурста Саба районыннан Алисә җиңеп чыккан иде. Быелгы “батыр” ны 26 июньдә беләчәкбез.