Айваз Садыров – ТНВ алып баручысы

Танылган телевидение һәм радио алып баручысы Айваз Садыров “Яңа Гасыр” телерадиокомпаниясе алып баручысы булды.

Айваз татар һәм рус телләрендә чыга торган "Манзара" һәм "Здравствуйте" иртәнге тапшыруларын алып барачак.

Алып баручыны пәнҗешәмбе көнне 6:00-9:00 сәгатьләрдә күрә аласыз.

Айваз шаяртып кына: "Үзем иртән авырдан уянсам да, халкымны уятып, яңа көнгә әзерләргә дигәндә, аяк идәндә минем", - диде.

Төкле аягың белән, Айваз! Бергә-бергә озак эшләргә язсын.