ТНВ каналының татарча яңа сериалын интернетта карап була

«Яңа Гасыр» телеканалы Нурания Җамали төшергән «Кайда син?» дип аталган яңа сериалның беренче сериясен YouTubeта урнаштырды.

ТНВ каналында яңа премьераны эш көннәрендә 17:00 сәгатьтә карап була, кабатлау — 10:00.

Сериалның сюжеты яшьләр белән бәйле. Асылда мәхәббәт тарихы ята. Өч яшь кыз тормышларын үзгәртергә телиләр һәм булачак кияүне үзләре эзли башлыйлар.

Сериалның режиссеры — Нурания Җамали, сценария авторлары Халисә Ширмән һәм Нурания Җамали.