"ШАЯН ТВ" туган көнен ничек билгеләп үтте?

«ШАЯН ТВ» каналына — 3 ел. Ул инде кыю атлаучы татар телевидениясенә әверелде. Балаларны туган телдә сөйләшергә өйрәтүче, өйдә - экран каршында сөйләм мохите булдырыручы һәм милләтебез традицияләрендә тәрбия бирүче ул.

Бүген әлеге чараны бәйрәм концерты белән билгеләп үтәләр. Бик күп сюрпризлар әзерләнгән. «Сәйлән» фестивале җиңүчеләре башкаруында иң матур җырлар, «Бию Баттл"ның иң оста бию төркемнәре чыгышы һәм өр яңа клиплар.

Нәкь өч ел элек «шаян тв» балалар телевизион телеканалы татарстан президенты ярдәме белән беренче тапкыр эфирга чыкты. Әлеге вакыт эчендә аның аша меңләгән бала уза, татар телендә сөйләргә, җырларга, фикерләргә өйрәнәләр.