Минтимер Шәймиев - "Ком сәгате" тапшыруының яңа кунагы

Татарстан Республикасының беренче Президенты, Дәүләт киңәшчесе Минтимер Шәрип улы Шәймиев “Ком сәгате” тапшыруының яңа кунагы булды.

Мәртәбәле кунак белән чыгарышны “ТНВ-Татарстан” һәм “ТНВ-Планета” каналларында гыйнвар аенда карый алачаксыз.

Ком сәгате – интервью жанрында чыга торган тапшыру. Тапшыруның геройлары - сәясәтчеләр, җәмәгать эшлеклеләре, мәдәният, сәнгать, фән, спорт эшлеклеләре. Әңгәмә атнаның актуаль вакыйгаларына бәйле булырга да, әңгәмәдәшнең шәхси сыйфатларын ачарга да мөмкин. Алып баручы - Данил Гыйниятов.

Фото: ТНВ