Инстаграмда кара: Сәрия Хәбибуллина һәм Рамил Гарипов туры эфирга чыга

Бүген ТНВ каналының Инстаграм аккаунтында туры эфир оештырылачак. Туры эфирда "Адымнар" тапшыруы алып баручысы Сәрия Хәбибуллина һәм "Туган Җир" тапшыруы алып баручысы Рамил Гарипов катнашачак.

Тамашачылар туры эфир барышында үзләрен кызыксындырган сорауларны да бирә алачак. Иң кызыклы сорау бирүчене ТНВ каналыннан истәлекле бүләк көтә.

Туры эфирга чыгу традициягә әверелде. Узган атналарда Илгиз Шәкүров һәм Фәнис Камал, Гөлнәз Гыйниятова һәм Радик Гыймаев тамашачылар белән аралашты.

Туры эфир 18:00 сәгатьтә @tvtnv аккаунтында узачак.