"Иртәнге чәй"ләр җәйге ялда!

«Болгар радиосы"ның «Иртәнге чәй» тапшыруы җәйге ялга китте. Бүгенге тапшыруның исеме дә җисеменә туры килә иде. Җәйге ялны ничек файдалы һәм рәхәт итеп үткәрергә? Алып баручылар һәм радио тыңлаучылар шул сорауга фикер алышты.

«Иртәнге чәй"ләрнең махсус кунаклары — «Мирас» инструменталь ансамбле иде. Хәтерләсәгез, «Иртәнге чәй» алып баручылары һәр җомга көнне үзенчәлекле җыр башкара. Бүген ул җыр «отпуск"ка багышланды һәм кунакларыбыз белән бергә башкарылды.

Рөстәм, Илнар һәм Эльвирага хәерле яллар теләп калабыз! Бер айдан күрешкәнчегә кадәр!