ТНВда бизнес-проектлар белән таныштыручы "Погружение на 100" тапшыруы чыга башлаячак

16 февральдән ТНВда Татарстан компанияләренең бизнес-процесслары турында сөйләүче яңа телевизион проект башланачак.

Тапшыруны Руфина Мукминова алып барачак. Ул республикабызның төрле предприятиеләрендә булачак һәм тамашачыларга бизнесның ничек оештырылуын җентекләп күрсәтәчәк. Шулай ук компания җитәкчеләре, хезмәткәрләре белән аралашачак һәм уңыш серләре белән бүлешәчәк.

"Погружение на 100" тапшыруының беренче чыгарылышын 16 февраль, пәнҗешәмбе, 21:00 сәгатьтә һәм 19 февраль, якшәмбе, 13:30 сәгатьтә карый аласыз.