ТНВ эфирында "Погружение на 100" тапшыруының яңа чыгарылышы дөнья күрәчәк

Пәнҗешәмбе, 20 апрель, ТНВ эфирында "Погружение на 100" тапшыруының алтынчы чыгарылышы дөнья күрәчәк. Тапшыру алып баручысы Руфина Мукминова барлык илгә дә ашлама җитештерерүче "Аммоний" ашлама заводы эшенә чумачак. 21:00 сәгатьтә ТНВ каналын кабызырга онытмагыз.

Руфина республикабызның төрле предприятиеләрендә булачак һәм тамашачыларга бизнесның ничек оештырылуын җентекләп күрсәтәчәк. Шулай ук компания җитәкчеләре, хезмәткәрләре белән аралашачак һәм уңыш серләре белән бүлешәчәк.