"Погружение на 100": Яңа чыгарылыш

Пәнҗешәмбе, 27 апрель, ТНВ эфирында "Погружение на 100" тапшыруының алтынчы чыгарылышы дөнья күрәчәк. Тапшыру алып баручысы Руфина Мукминова "Имеральд" сәнәгать калдыкларын утильләштерү компаниясе эшенә чумачак. 21:00 сәгатьтә ТНВ каналын кабызырга онытмагыз.

Руфина республикабызның төрле предприятиеләрендә булачак һәм тамашачыларга бизнесның ничек оештырылуын җентекләп күрсәтәчәк. Шулай ук компания җитәкчеләре, хезмәткәрләре белән аралашачак һәм уңыш серләре белән бүлешәчәк.