"Казан" гаилә үзәге яныннан бәйрәм концерты - туры трансляция

Бүген ТНВ телеканалы «Казан» гаилә үзәге янында Татарстан Республикасы көне уңаеннан бәйрәм концертын туры трансляциядә күрсәтәчәк. Трансляция 18:45 сәгатьтә башлана.

Казан халкы һәм шәһәребез кунаклары Татарстанның халык артисты Гүзәл Уразова һәм Татарстанның атказанган артисты Ришат Төхвәтуллин чыгышларын күрә алачак.

Моннан тыш, концертта популяр җырчылар Клава Кока һәм Jony чыгышлары көтелә. Бәйрәм салют белән тәмамланачак.