17 октябрьдә Татарстанда «Все СВОи» патриотик марафон узачак

17 октябрьдә 10:00 сәгатьтән 22:00 сәгатькә кадәр Татарстанда контракт буенча хезмәткә ярдәм итү өчен Патриотик марафон узачак. Белгечләр барлык кызыклы сорауларга да туры эфирда җавап бирәчәк.

Яр Чаллы, Әлмәт, Түбән Камадан туры эфирга тоташулар көтелә.

Үз тарихларын мобилизацияләнгәннәрнең гаиләләре, Россия Геройлары, Татарстанның атаклы батальоны хәрбиләре сөйләячәк. Марафонга республиканың башка телеканаллары, радиостанцияләре дә кушылачак, шулай ук трансляция социаль челтәрләрдә узачак.