"Җиде юл чатында" сериалын Яңа ел алдыннан тәкъдим итәчәкләр

Тиздән безнең канал - тамашачыны татар телендәге өр-яңа фильм белән сөендерәчәк. ТНВ белән "Ватан 21нче гасыр" кинокомпаниясенең уртак проекты - "Җиде юл чатында" сериалы әзер, аны Яңа ел алдыннан тәкъдим итәчәкләр.

Фильмны җәй буе М7 трассасындагы ягулык станциясендә төшерделәр. Актерлар - Татарстанның төрле театрларыннан җыелган яшьләр һәм шулай ук тәҗрибәле артистлар. Проектка Марат Әхмәтов Рәислегендәге туган телләрне саклау комиссиясе һәм Наил Маганов җитәкләгән "Татнефть" җәмгыяте теләктәшлек күрсәтә.

Фильмны кайчан күреп булачак? Тамашачыны нинди сюрпризлар көтә? Болар хакында Инзилә Хөсәенова репортажында.