"Җиде юл чатында" сериалы интернетта күрсәтелә башлый

ТНВ каналында чыгучы яңа татарча сериалның 3 сериясен интернетта карап булачак. Исегезгә төшерәбез, "Җиде юл чатында" сериалы 4 декабрь көнне ТНВ каналында чыга башлады. Аны эш көннәрендә 20:00 сәгатьтә карап була.

Сериалны «Яңа Гасыр» телерадиокомпаниясе һәм «Ватан 21 гасыр» кинокомпаниясе төшерде. Проектны төшерү Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм «Татнефть» хәйрия фонды ярдәме белән гамәлгә ашырыла.

1,2,3 серияләрне ТНВның YouTube каналында, соңрак Вконтакте төркемендә дә карый алачаксыз.